1 Nkulaizya izwi lyane kuli Yawe, nkulenga uwazwilizyo. Nkulaizya kuli Yawe, inkupapata.
Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.
We Yawe nalaizye kunuli, nu kulenga uluse lwako we Leza wane.
We Yawe, nalaizya kunuli, kalauka ukungazwa, teya amatwi uvwe ukwizwi lyane kuno nkupapata.
Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.
Untuule uku maka yako we Leza, untuule ukunzyansyo zyako!
Wasyuka umuntu wiyo wino amaifyo yakwe yafumiziwa, wino inkota zyakwe zyelelwa.
Uvwe izwi lyane kuno likukupapata, inkukulaizya we mwene, nkukatusya na makasa yane uku Ncende Yamuzilo kuluta.
Lyene Saulo aiza kwi cele ilyali pipi ni vitata vya mfwele ivyali lwamu mbali ya museo, nga aingila mwenemo kuti aye ukunzi. Davidi na antu yakwe yali mukasikasi ki cele kwene li.
Mpalume zi, kunoyali insi itayalingine kwikalamo! Yene yapitananga wa mbutusi mu lwanga nu mu myamba, ala yakufisama mu macele nu mu mimba.
Antu yakwe Davidi yavwanga iyati, “Uu, uli wanda uno Yawe wavwanzile ukuti alapeela umwanisi wako umu makasa yako kuti umucitile icili consi cino ukasi.” Lyene Davidi asela ukwaula kuti yamanye nga asentula isempele lya mwingila wakwe Saulo.
