1 We Yawe, nalaizya kunuli, kalauka ukungazwa, teya amatwi uvwe ukwizwi lyane kuno nkupapata.
Nemo ntakweti amaka nupya nene mulanda. Leza, kalauka fwandi ukwiza kunondi. Wemo ukangavwa, nupya ukantuula. We Yawe, ala utalengela!
Leza we, ala utantaluka foo, kalauka sile ndungazwe, Leza wane!
Kalauka unjasuke we Yawe! Umupasi wane watiuongoka, utafisa usyu wako kunondi, pano limwi ningaya wakwe yaya aikala kuzimo.
We Yawe, napapata untuule kweneko! We Yawe, napapata kalauka ngazwe!
Utafuntuka kunondi we Yawe! Iza zuwa unkulule we maka yane!
We Yawe, uvwa ipepo lyane! Kutika kuno nkukupapata, unjasuke pano wewe mulungami. Unjasuke pano wewe mufumaluke!
Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”
Uvwe izwi lyane kuno likukupapata, inkukulaizya we mwene, nkukatusya na makasa yane uku Ncende Yamuzilo kuluta.
Leka yao akulonda uku nkoma yazewane, ni nsonyi ziyaleme! Uleke yayo akazanga apamulandu nu kucula kwane, yaswilile ale yatiyalambalalika inkopyo!
