12 Namanya ukuti Umwene alapeela akafyengwa insambu, nu lungi uku alanda.
Nemo wampingwila ukwaula ulufyengo. Wewe kapingula uwa ulungi, apa cilimba cako pano wikala.
lyene wemo uli nu kuvwa amapepo yao. Uwauvwa kuko ukwako ukwiyulu, nu luse uwayayela.
lyene uvwa ukwako kuko kwiyulu, ukupapata nu kupepa kwao, nu kuyatuula uyatuule.
Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.
Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.
Lyene alauvwa ni ipepo lya antu yano watazile atazyela, alata nu kusuula ukupapata kwao.
Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”
Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.
Utafyenga umupina pamulandu wakuti umupina. Nupya utafyengelekezya antu umu cilye.
Ungaleka kuti acita ulungi apakupingwila alanda avwa kweneko na apina nu kucimvya yayo akayacuzya!
Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”
Yawe angala aputule imilomo kuli yayo yonsi akatumpoka, nu lulimi lwakwe yayo akalanda ivya kuyuvwa.
Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”
