24 Lola ndi cakuti nimpita umu nzila iipe, ntungulule umu nzila ya umi wape.”
Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.
We Yawe, nkweti anisi aingi! Ntungulule umukucita ukulonda kwako, Ungupazye inzila yako pakuti nalondelamo.
Ndasimwilila uku kuyela amalamulo yako, pano ulampeelela kweneko ukwiluka.
Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.
Undole uluse luse cila katondo, pano awewe sile nataila. Undangilile inzila umwakupita, pano umwenzo wane waya sile kunuli.
Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.
Wiyo uwataila umu mano yakwe umweneco, wene iciwelewele. Lelo wiyo akalondela ivya antu yamano, alapusuka.
Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.
Mwemo mwazumila Klistu kuya Mwene winu. Caleka twalililini ukwikalilila muli aliwe.
Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.
Alongo ayayo anzila zitambalale, yayo akalondela amasunde yakwe Yawe.
Yawe wapata imiyele ya antu aipe, lelo wene watemwa yayo akacita vyaololoke.
Nsambilizye, we Yawe, vino ukasi kuti incite, nu kuntungulula umu nzila nsuma, pano anisi yane anyanya.
