Masamu 138:8 - Amazwi Yakwe Leza 2013

⁸ Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Masamu 138:8 交叉參考

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Masamu 57:2

Awewe Leza, we Leza Mukulu, wewe nkulaizya inti, “Ntuulwe!” Awewe Leza, umpeele vyonsi vino nkulonda.

1 Tesalonika 5:24

Wiyo uwamwama wene ali nu kucita cii, pano wene watailwa.

Ezaya 26:12

We Yawe, awewe ukampela ulongo, pano vyonsi vino tukalola umu kuomba, awewe ukalenga ukuti tuvilole.

Masamu 136:1

Taizini Yawe, pano wene umusuma, pano luse lwakwe ulwa pe na pee.

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Masamu 100:5

Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yobo 14:15

Lyene ali lino ungangama, nga nani inaasuke. Alino lyene ulandonda ne ciumbwa cako nu kundola.

Yobo 10:8

“Amakasa yako alio yambumvile nu kunjeletula ningo. Uzye lyene ndakai ukasi ukungonona ku makasa yako vwile?

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Masamu 57:3

Ungasukile ukwiyulu kwene, untuule nu kuntuula. Umacimvya na yayo kwene akamvungatila. We Leza, umandanga ukutemwa kwako ukwa pe na ucumi.