4 Yamwene yonsi apano nsi, yamakulumbanya, we Yawe, pano yuvwa amalayo yako.
Antu ya mitundu yuze yalaya ni coopo kuli Yawe, na yamwene ya pano nsi yonsi yaloopa ululumbi lwakwe.
Yamwene yonsi sile yalukufukankila kunoli, na antu yonsi amu mitundu yalukumuombela!
Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.
Namalandilanga antu yane ululumbi lwako. Namakulumbanyanga lyonsi umu kukongana kwao.
Antu a mitundu yonsi yamu nsi yalapita mu luswepo lwakweo, na yakateeka amu nsi yonsi yalaletamo ucindami wao.
Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”
Antu ya mitundu yuze pamwi na yamwene yao, yalakusunga ndi vino umukwasi akasunga umwana wa kuivyalila. Umucumi, ulasininkizya ukuti anene ne Yawe, nakupususya, nene ne musambazi wakwe Izlaeli nakukulula, Wamaka wilya wakwe Izlaeli.
Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”
lilyo lino antu amitundu yonsi yalakongana pamwi na yamwene yao uku kupepa Yawe Leza capamwi.
Nanti lyene nemo ninkota, ninkwata ni mvwi, ala utandekelezya we Leza! Uwaya nani lino nkulumbilizya amaka yako nu ukama wako, ukufika ni nkulo iiliza uku nkolelo.
Alino ndalanga aipe inzila zyako, na yakacita ya viipe yalaweluluka kunuli.
Namakutaizyanga uku mitundu ya antu, we Mwene! Namakulumbanyanga uku inamasi yonsi!
