3 Uwanda uno nalaizye wanguvwile, wandundile na maka.
Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.
Alino umu ulanda wane nalaizye Yawe. Napefile kuli Leza wane kuti angavwe. Wene umu Ng'anda yakwe ikulu, amauvwa izwi lyane. Inkuta zyane nazyo zyuvwika uku matwi yakwe.
Nene ne Yawe ndakomya antu yane, nayo yalampepa nu kunjela.” Avino Yawe wavwanga.
Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”
Klistu wampeela maka akulungatana ni miyele ili yonsi.
Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!
Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa
Mukusyalikizya, lekini maka yakwe Leza yamukomelezya.
Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.
Yawe aliwe akapeela antu yakwe amaka, nupya akapolelela antu yakwe upolelelo wa longo.
Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.
Kuli wewe ali kuno nanyinyinda, ni kasa lyako ali lino likankumbatila apa kumpususya.
Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.
Ndayaasuka lino yatacili yangame, ndayuvwa na lino yatacili yamale ukuvwanga.
Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.
Umungeli wakwe Yawe akacingilila yayo akamoopa, nupya akayapususya.
Wemo wangaswike nga unena uti, ‘Utuvwa intete.’
Nupya kwene umungeli wilya ankumya, nga nani inkoma ukuluta.
Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”
