Masamu 138:2 - Amazwi Yakwe Leza 2013

² Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

Masamu 138:2 交叉參考

Mateo 5:18

Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

Ezaya 42:21

Apamulandu wa wololoke wakwe, Yawe akalondesya ukuti amasunde yakwe yakuziwe nu kucindamikwa.

Masamu 56:10

A Leza awino nemo nataila, nkawanzya nu upangano wakwe. Nemo namawanzyanga ulayo wakwe Yawe.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Masamu 5:7

Lelo apamulandu nu kutemwa kwako ukukulu, nemo namaingilanga umu Ng'anda yako ikulu. Namakufukamilanga nu mucinzi, ulunga ni Ng'anda yako iyamuzilo.

Masamu 28:2

Uvwe izwi lyane kuno likukupapata, inkukulaizya we mwene, nkukatusya na makasa yane uku Ncende Yamuzilo kuluta.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Masamu 56:4

We Leza, nemo awewe sile wenga nataila, nkataizye nu ulayo wako. Awewe sile nataila, ni ntete nemo nsikuvwanga nanti panono. Fwandi icani cino umuntu silesile angancita?

Masamu 115:1

Awewe sile wenga, we Yawe, ala awewe wenga sile. Wewe sile ulinzile ukucindikwa, asi sweswe foo. Wewe sile ulinzile ukucindikwa apa luse lwako ulwa pee na paufuma cumi wako.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Ezaya 63:7

Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.

Masamu 99:9

Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

Masamu 99:5

Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Yoane 10:35

Twamanya ukuti vino malembelo yalanda vyene ivya cumi manda pe. Antu yaya yamilwe na Leza ukuti a tuleza, antu yano Ilandwe lyakwe Leza lyapilwe kunoyali.

1 Yamwene 8:15

Umu upolelelo wakwe avwanga ati, “Alumbanyiwe Yawe, Leza wa ina Izlaeli! Aliwe wafikilizya ulayo uno walavile tata Davidi, lino wamunenyile ati,

1 Yamwene 8:20

“Ali cino fwandi lyene Yawe watafikilizya ulayo wakwe. Pasi pano nene napyana Davidi, kuti nateeka aina Izlaeli ndi muno walavile, nga natinkuulila Yawe Ng'anda ikulu, Leza wa ina Izlaeli, umwakuti izina lyakwe lyauvwika.

1 Yamwene 8:24

Utaweni vino wasunga ulayo uno walavile Davidi tata umuomvi wako, cino wafikilizya umwi lelo.

Masamu 5:8

We Yawe, nkweti anisi aingi! Ntungulule umukucita ukulonda kwako, Ungupazye inzila yako pakuti nalondelamo.