Masamu 137:7 - Amazwi Yakwe Leza 2013

⁷ We Yawe, iusya vino aina Edomu yacisile uwanda uno Yelusalemu wazanzilwe. Iusya vino yakomilepo ukulanda ala yakuti, “Wongololini, muongolole suka na pansi.”

Masamu 137:7 交叉參考

Habakuku 3:13

Wemo wafumile nu kuya kulula antu yako, ku kutuula kateeka wino wasolola. Wemo wakomozile intunguluzi zya antu ankota, nu kulovya alondezi yakweyo yonsi pyu.

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Ezekelo 35:2

“We mwana wa muntu, lozya amanso ku mpanga ya myamba iyaku Seili nga useme amazwi akuipeela imilandu.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Masamu 74:18

Waiusya, we Yawe, ukuti anisi yako yakukuseka, nga ni viwelewele vikukusausya.

1 Samueli 15:2

Yawe Wamaka yonsi walanda wati, ‘Ndavunuka aina Amaleke pali vino yacisile ku ina Izlaeli lino yali pa lwendo ukufuma ku Eguputo.

Kufuma 17:14

Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”

Neemiya 6:14

Nga nemo pali pakupepa inti, “We Leza wane, iusya Tobiya na Sanibalati apa vintu vino yacisile, alino na kasema umwanaci Noadiya pamwi na yakasema yauze yano yezizye ukungofya.”

Ezekelo 35:15

Pamulandu wakuti wasansamwike, lino impanga ya ng'anda yakwe Izlaeli yasangwike ulwanga, nawe kwene avino ndakucita umusango uli onga kwene. Ulaya ulwanga, we mwamba wa Sili, pamwi ni mpanga yonsi yakwe Edomu. Lyene alino yalamanya ukuti nene indi Yawe.”