Masamu 131:1 - Amazwi Yakwe Leza 2013

¹ We Yawe, umwenzo wane usi itutumula foo, na manso yane nayo yasilola apatumpuke. Insizangila umu vintu vyalulumbi nanti ivyakuzunguka.

Masamu 131:1 交叉參考

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Masamu 139:6

Amano yako pali nene, akuzunguka nupya nkaposiwa ukutezya, yakulisya intange nkumemo.

Yobo 42:3

Wemo wanguzya ningo uti, ‘Uzye weweni wemuno ukwezya ukuvulunganya umpandamano wane, apamulandu wakulanda amazwi akuzaila sile?’ Cumi kwene nalanda apa vintu vino nemo naposiwa ukwiluka. Nalanda na pa vintu vyakuzunguka vino vyampezya na mano, vino ningaposiwa ukumanya.

Yelemiya 45:5

Lelo wemo we Baluki, uzye ukulonda ukuti nkucitilepo vimwi ivyakuzunguka? Ala utacivivula foo! Pasi pano nasya ndetele antu yonsi isyamo, lelo wemo ndapususya umi wako, ukuli konsi kuno ungalungama. Ivyalanda ne Yawe.”

Masamu 101:5

Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

Masamu 124:1

Uzye cange ciye uli ndi cakuti Yawe atali uku mbali itu? Ale vwanga tuvwe we Izlaeli!

Masamu 122:1

Nazanzile wakwe cimwi lino nuvwile yakuti, “Katuye uku ng'anda yakwe Yawe.”

Mpendwa 12:3

Lelo kwene Mose wali umuntu umwi mufuke cuze ukuluta antu yonsi amuno nsi.

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Masamu 133:1

Lolini vino cazipa navino cazanzya antu yakwe Leza, ukwikala pamwi wa cina nyina!

1 Samueli 18:23

Acino nayo iyanena Davidi amazwi ya. Lelo Davidi nawe avwanga ati, “Uzye mwemo mukwelenganya ukuti ukuya umukwi wa mwene icintu cimwi cinono? Nemo nene mupina nupya nene muntu umwi wino atalumbuka.”

1 Samueli 16:22

Lyene atuma akuyanena Yese ati, “Leka Davidi atwalilile ukumbombela, pano nkuzangila munoli.”

1 Samueli 16:18

Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”

1 Samueli 16:13

Samueli atoola umusazi wa mafuta amupaka pa manso ya ina yakwe yonsi. Ukutandika pa wanda kwene uwo Mupasi wakwe Yawe wikila pali Davidi nga utamusile. Lyene Samueli akatuka aswilila ku Lama.

Malango 17:20

Cii, cilalesya umwene wiyo ukuitutumula pa ina Izlaeli yauze. Nupya cilamulesya ukukana yela amasunde yakwe Yawe umu nzila ili yonsi. Lyene umwene wiyo pamwi nayauze amu mupanda wakwe alamulondelela icisila yalaya yamwene mu Izlaeli pa manda avule cuze.”

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Milimo 20:19

Natumikile Mwene mu ufuke nu mu ntazi, nanti angala Ayuda yandenzile kuvwa ulanda pa kumana kapi kuti yankome.

Yelemiya 17:16

Lelo kwene asi nene nakupamvizye kuti ulete uononesi pano yali. Nupya asi nene nakumvilwe ukuyaletela uwanda wa ntazi. Wemo umanyile cii. Umanyile cino nalanda.

1 Samueli 17:15

lelo Davidi wene wayanga sile ku nsakwe yakwe Saulo cila wanda nu kuwela ku kucema imfwele zyakwe isi ku Betelemu.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

2 Samueli 6:22

nupya namaipupanya nu kuluta. Wemo ungelenganya ukuti nemo insi cimwi, lelo anaci yaya yamancindikanga wakwe cimwi.”

Mapinda 21:4

Amanso ya cilumba nu mwenzo ukaituumika, ali luswepo lwa antu aipe. Nupya ali iifyo kwene.