Masamu 128:3 - Amazwi Yakwe Leza 2013

³ Umuci wako alakolana nu mutingi ukaseekesya, umu ng'anda yako. Ana yako nayo yalaya wa tululembelya twamu olivi.

Masamu 128:3 交叉參考

Ezekelo 19:10

Nupya nyoko wali wa mutingi uwalemilwe mupipi na manzi. Wali ulembe nupya waseekanga amatingi wakwe cimwi, pamulandu wakuti pano wali, pali amanzi avule.

Masamu 52:8

Lelo nemo nayasile wa muti umuolivi, ukakulila pipi ni ng'anda yakwe Leza. Nataila umu kutemwa kwakwe Leza ukwa pe.

Loma 11:24

Mwe Akulukuwa mukoline wa musambo wa muolivi uwamu mpanga uno waputulwa, nga lyene ulematikwa ku muolivi uwalemwa nu muntu. Ayuda nao yakoline wa muolivi uwalemwa nu muntu. Cili cangupale cuze kuti Leza alematike misambo ii iyaputulwa ku cimuti kuno yaputwilwe.

Utandiko 49:22

“Yosefu akoline wa muti uno ukaseeka, muti ukaseeka uno uli pipi ni ntulo ya manzi. Misambo yakweo ikatambilizya pa lung'umba.

Yelemiya 11:16

Apa mpiti nemo natazile njama ukuti umuolivi umwi uvunde amafwa nupya uno wakopoka ni viseekwa umwisika ivisuma. Lelo apilelo pene namalepuka sile wa nkuwa. Namaoca amafwa alembe nu kukontola ni nsala zyonsi zyakweo.

Masamu 144:12

Ana itu yakalume kayale yakula sile wa miti, ukutandikila sile uku wance wao. Nana itu yakaci nayo kayale yaye sile wa ncesi izya kulutwe lwa viwazwa vya kwi sano.

Masamu 127:5

Walongo awiyo uwazuzya inceto zya mwata uo umu nyambi yakwe. Atalatala acimviwe lino alakomenkanya anisi yakwe umu cifulo ca upinguzi.

1 Milandu 8:40

Ana aonsi yakwe Ulamu yali ivita viposye, antu acenjela kuomvya amalapwa. Yene yakweti ana aonsi pamwi na aizikulu 150. Yaa yonsi yali amu mupanda wakwe Benjamini.

Masamu 127:3

Endi, ana aonsi icaupyanyi ukufuma kuli Yawe, ana cili cilambu citu ukufuma kunoli.