Masamu 126:4 - Amazwi Yakwe Leza 2013

⁴ We Yawe, senula uzya witu, uye wa tunguzi twamu Negebu.

Masamu 126:4 交叉參考

Masamu 85:4

Tuswilizye mwenemo, we Leza we katuula witu. Fusya kweneko icipyu cako!

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Ezaya 43:19

Mwike sile amano pa vintu ivipya vino namacita, nu kutandika vyativitandika ukucitika. Uzye mwemo musyakuvilola? Nemo namapanza umuseo mu lwanga, nga namamupeela inguzi mu mpanga iyumalale.

Ezaya 41:18

Ndacita utufukoka umu myamba umutaya imiti ni sote. Ndaleka ukuti utufukoka tutuluke umu mikonko. Umu lwanga namo ndafukula ivifula vya manzi. Mu mpanga iyumalale namo ndapanga intulo ya manzi.

Ezaya 35:6

Ivilema vimatolokanga wa nswela. Indimi zyakwe yaciulu zimapundanga nu luzango. Amanzi yamakonkolokanga umu lwanga ni nguzi zilapita umu mpanga ilangoke.

Masamu 126:1

Lino Yawe wawelulwisye yayo asenzilwe uzya uku Yelusalemu, cali wa ciloto!

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.