4 We Yawe, sungala uwalukucitila antu asuma iviziipe, yayo akayela amasunde yako.
Leza ali kavwangila wane, akapususya yao akamutontelela.
Iye mwe vino wazipa, vino waya nu luse! Nsambilizye amasunde yako.
Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.
Ulungami nupya kwene ulazanwa umu vilye vya uputuzi, nga antu ya myenzo yololoke yalaulondela.
We Leza, uku luse lwako ungakomelezya Zioni, apakuti ilinga lyaku Yelusalemu, likulwe cipya cipya.
Yatatazile yalande intumpu. Yene yatakweti mulandu.
Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.
Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”
Yawe umusuma kuli yonsi yano yamutaila.
Leka nayela amasunde yako, nupya ntaya ni nsonyi zyakucimviwa.
Cumi kwene, Leza umusuma ku ina Izlaeli, uku antu akwata imyenzo iyakaele!
Twalilila uluse lwako kuli yao akumanya, nu ulungami wako kuli yao aswepe imyenzo.
Wasyuka umuntu wino Yawe asizanamo uyi munoli, wiyo atakwata intumpu mu mwenzo wakwe.
We Yawe Leza Wamaka yonsi, icacumi yasyuka yayo akutaila!
