Masamu 123:4 - Amazwi Yakwe Leza 2013

⁴ Apa nsita ntali, twaculisya muno uku misowe ya akama, nga nu kusuulwa uku antu ya vilumba.

Masamu 123:4 交叉參考

Masamu 119:51

Avilumba lyonsi yakulu kunsuula, lelo nemo ntafuntuka ukwi sunde lyako.

Yobo 12:5

Mwemo mweisikulu musi ni ntazi nanta imwi, nu kwikala mwikala sile ningo wa asambazi. Nupya imwansyenteka ukwaula umulandu. Uzye icumi cingaya icamano ukuma umuntu akuipempezyokela?

Milimo 17:32

Lino yuvwile Paulo akulanda pa kuzyukuka kufuma ku afwe yamwi yamusoweka, lelo yamwi yamunena yati, “Nupya tungatemwa ukuvwa vino walanda.”

1 Kolinto 4:13

Lino antu yatutuka, swemo tukaasuka na mazwi ya mutembo. Ndakai antu yakatulola wa vikona vyamu nsi, nga nu kuti sweswe yaipe cuze mu antu yonsi amu nsi!

Milimo 26:24

Lino Paulo atali kuti amale kuitaasya ndi vii, Fesito asanzika izwi ati, “Paulo, siwapena! Kusambilila kwako kukulu kumakupenya.”

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Yelemiya 48:29

Twatituvwa icilumba cakwe Moabu, icilumba cimwi icitaikulila. Iye mwe vino akaitanka nu kuvimbana, vino waya na macacali nu kuikuzya umu mwenzo wakwe.

Yelemiya 48:11

Yawe wavwanga wati, “Moabu ukutandikila sile ku wance wakwe wikalanga ku matwi cele. Atatazile asendwepo ku uzya. Impanga ya Moabu yaya wakwe waini, umwikalilile, wino yatatala yitulwila umu nkolo zyuze. Fwandi nu kununkila kwakwe kutatala kusila. Kwaya sile mumu kwene muno kwayela.”

Ezaya 32:11

Caleka fwandi tandikini sile ukuizakazila uku ntete, mwemuno mwikala mu cinenke. Musokozoke sile mwemuno mutasakamala akantu nanti kamwi! Zulini insalu zinu zino muzwite, musyale sile ni visamu mu misana.

Ezaya 32:9

Uvwini kuno mwe yamangu, mwemuno mwikala mu cinenke, muno musisakamala akantu nanti kamwi.

Yobo 16:4

Nani kwene inja wakwe mwemwe, ningavwanga vyonsi vino mukuvwanga. Ngano nkuti ndi navwanga intensya nu mutwe mpaka muzuka na cele, uku mazwi yane.

Neemiya 2:19

Lelo lino Sanibalati umwina Holoni, Tobiya intunguluzi ya ina Amoni na Alabu wino yamanga Gesyemu, lino yuvwa umulandu uu iyiza kunotuli, iyatandika kututumfya yati, “Mukucita cani kuno? Simanye mukulonda musangukile umwene Alitakisesi?”

Milimo 17:21

Pano onsi aikala mu musumba wa Atena na inamasi atenzimo yatemilwe ukusumba utusita twao tonsi mu kuvwanga nu kuvwa amazwi ya pa vintu vipya.)

Yelemiya 48:27

Uzye asi wewe wasekanga Izlaeli? Uzye yamulemile apakasi ka ivi, apakuti lyonsi wemo wapukanya sile umutwe wako, lyonsi lino walumbula izina lyakwe?

1 Samueli 17:42

Umwina Filisti aceceta Davidi, nga amusuula pamulandu wakuti Davidi wali umulumendo uwalolekanga sile ningo.