81 Umi wane wati uongoka apakulonda ukuluzi wako, lelo nemo nkapaalila umu ulayo wako.
Umwenzo wane wati ufwa sile uku ciluka cako! Pasi paciluka ica misolo ya kwisano lyako, we Yawe nkukwimbila nu luzango lonsi we Leza wa umi.
Nkulonda ukuyela amasunde yako, umpeele umi upya pano wewe mulungami.
Nanti sile umwili wane nu mwenzo wane vingatontenkana, we Leza, wewe uli maka yane, awewe nkalukisya pee!
Mwe anaci amu Yelusalemu, ndi mwalola mukundwe wane, napapata mumunene ukuti nemo natintemboka sile ku kumuluka.
Wewe uli ncende yane yakuzinamo ni cisyangu cane, nupya nemo nkapaalila umu ulayo wako.
Ndole luse luse nga nje nu umi, pano amalamulo yako yakanzanzya.
Antu yano yakakoopa yakazanga nga yandola, pano nemo nkaapalila umu ulayo wako.
Lyene ndaasuka yayo akandandaula, pano nataila umu mazwi yako.
Umwenzo wane lyene ukukafila, pamulandu waciluka ca upinguzi wako.
Nemwisikulu ndamulola na manso yane, asi muntu muze awe. Ndamulola na manso yane yakwene. Nu mwenzo wane onsi ukuluukisya uwanda ulya. Ukuya kwene umwenzo wane ukucula, apamulandu na mazwi yano mwe antu mukunena ukuti,
We Yawe undangizye vino wantemwa, umpususye ndi muno walaila.
Undenge ukuti nalanda ivya cumi insita zyonsi, pano utailo wane waya umu upinguzi wako.
Nkalolela uwazwilizyo wakwe Yawe, nkalolelela nu mwenzo wane onsi, nupya nkataila amazwi yakwe.
