77 Ndole luse luse nga nje nu umi, pano amalamulo yako yakanzanzya.
Silola vino nkulukisya ufyusi wako, we Yawe! Nkazana uluzango umu masunde yako.
We Yawe undangizye vino wantemwa, umpususye ndi muno walaila.
Lelo wene akazangila mu kuyela amazwi yakwe Yawe, nu kuyelenganya usiku nu musanya.
Vyeo vyako vikansansamusya, vili vino vikampanzya amano.
Ninzana uluzango umu masunde yako, yano natintemwa wakwe cimwi.
Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.
Ivyeo vyako vikasansamusya, insiilila amazwi yako.
Sungala ucitile umuzya wako ivisuma, nga nani namapita ulumi, imbwake na mazwi yako.
