Masamu 119:73 - Amazwi Yakwe Leza 2013

⁷³ Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.

Masamu 119:73 交叉參考

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Yobo 31:15

Pasi pano nayo kwene yapanzilwe umunda wakwe nene kwene. A Leza ali wenga kwene, uwa tuumvile umunda zya akwasi itu.

2 Timoti 2:7

Elenganya pali vino nkulanda pano Mwene akweti maka akukulenga kwiluka vyonsi.

Masamu 119:125

Nene muomvi wako, ungala umpeele ukwiluka, apakuti inde imanye amasambilizyo yako.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Yobo 32:8

Lelo umupasi wakwe Leza, uli uno ukaingila mu muntu nu kumupeela ukwiluka.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Masamu 119:34

Ndondolwela amasunde yako, nu kuyela namayayelanga nu kuyawaka nu mwenzo wane onsi.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Yakobo 3:18

Lyene usuma uli uzombozi uno ukafuma ku mbezu zino yakacita ya mutende yakakomela.

Masamu 119:169

Leka ukulila kwane kuvwike kunuli, we Yawe. Umpeele ukwiluka ukulingana nu ulayo wako.

2 Milandu 2:12

Nga Hilamu alundapo ukuvwanga ati, “Alumbanyiwe Yawe, Leza wa ina Izlaeli, kaumba uwiyulu ni nsi! Wapeela umwene Davidi umwanakwe uwa mano wiyo uwakwata amalango yakwiluka. Nupya fundi akweti amapange a kukuulila Yawe Ng'anda ikulu ni sano lyakwe umweneco.

Masamu 119:144

Amasambilizyo yako alungame umuyayaya, umpeele ukwiluka kuti nje umumi.

1 Milandu 22:12

Si Yawe akupeele ukwiluka na mano, pakuti wateeka aina Izlaeli ukulingana na masunde yakwe Yawe Leza wako.

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!