7 Lyene ningakuwanzya nu ku mwenzo mpee, apa kusambilila ivyeo vyako ivya ulungami.
Pa kanwa kane pafume amalumbo, pano ukansambilizya amasunde yako.
Si leka yakulumbanye, we Yawe, unsambilizye ivyeo vyako!
Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.
Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.
Namakutaizya we Yawe, nu mwenzo wane onsi, namataka ni vicitwa vino wacita ivyakuzunguka.
Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.
Ndondolwela ivyakulondela ivyeo vyako, uleke naelenganya apa vipezyamano vyako.
Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.
We Yawe, ala insi yonsi yalimba ulukundo lwako ulwamuntaputuka, unsambilizye amasunde yako.
Ucitile umuzya wako, ukulingana nu kutemwa kwako, nupya unsambilizye amalamulo yako.
