55 We Yawe, ala usiku nkakwiusya, nga namayelanga amasunde yako.
Nga natindala pa musanzi wane, nkakwiusya, nkakwelenganyapo usiku onsi.
Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.
Apa nsita ya usiku nkakuluuka wakwe cimwi. Lino ulalolwela aikala nsi, ali lino yonsi yalamanya ulungami vino waya.
Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.
Nga nati nkanjipende, awe cumi yavulisya ukuluta umusensenga, nanti ningezya ukupenda likwene lino tuli nawe.
Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.
“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”
Mu manda yalya Yesu waile ku mwamba ku kupepa. Alola uca, ala akupepa kuli Leza.
Ndondolwela amasunde yako, nu kuyela namayayelanga nu kuyawaka nu mwenzo wane onsi.
Sungala ucitile umuzya wako ivisuma, nga nani namapita ulumi, imbwake na mazwi yako.
Nkalola uca, ala nkwelenganya. Nkaivwanzya nu mu mwenzo ala nkuti,
Lyonsi indayela amasunde yako, umuyayaya
