Masamu 119:53 - Amazwi Yakwe Leza 2013

⁵³ Lino nalola kuno antu aipe yakuvuna amasunde yako, awe cumi umwenzo wane iuwaya.

Masamu 119:53 交叉參考

Ezila 9:3

Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Masamu 119:158

Nkati ndi nalolekesya antu asitaila, pamulandu wakuti yasiwaka amalamulo yako, nemo inyunguluka.

Filipi 3:18

Ilingi nkamunena ukuti antu aingi yakwikala wakwe yao asicindika imfwa yakwe Klistu pa lupanda. Na ndakai kwene nkulila minsozi pa kuswilizya kumunena

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Ezila 10:6

Alino Ezila afuma ku Ng'anda yakwe Leza nga aingila mu muputule wakwe Yeoyada umwana umonsi wakwe Elyasyibu. Lino wene acili kweneko, atalile cakulya nanti ukumwa amanzi awe, pamulandu wakuti watwalilile ukunyunguluka pa kuntayela kwakwe yayo afumile mu uzya.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Masamu 89:30

Lelo ndi cakuti ana yakwe yaca yafutatila amasunde yane, nu kukana ukulondela amalamulo yane,

Ezila 9:14

Uzye pacani cino tungilila amasunde yako nupya nu kutandika ukutwalana na inamasi? Ndi tungacita cico, lyene wemo ulatulovya swensi pyu.

Neemiya 5:6

Walanga nuvwa ukuilizyanya kwao, insoka wakwe cimwi.