Masamu 119:33 - Amazwi Yakwe Leza 2013

³³ We Yawe, unsambilizye upiliulo wa masunde yako, nupya ndayayela mpaka nu ku mpelelekezyo.

Masamu 119:33 交叉參考

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

Ezaya 54:13

Ana yako yonsi yalasambilila kuli ne Yawe, isyuko lyao lilakula wakwe cimwi.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Masamu 119:12

Si leka yakulumbanye, we Yawe, unsambilizye ivyeo vyako!

Yoane 6:45

Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.

Mateo 24:13

Lelo wino wensi alaposya kufika nu ku mpelelekezyo wene alatuulwa.

Umbwilo 2:26

Yao alacimvya, nu kutwalilila kucita vino nkalonda kufika nu ku mpelelekezyo, ndayapeela utesi pa nko zyonsi uno Tata wampela.

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Masamu 119:112

Umwenzo wane ukulukisya ukuyela amasunde yako mpaka uwanda uno ndafwa.

Masamu 119:8

Namayelanga amasunde yako, utakatale ukandekelezye.

Masamu 39:2

Nemo nikalanga cele ukwaula kusyengana, nanti sile kungaya icintu icisuma! Lelo ucuzi wane wakulilanga sile kweneko.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.