Masamu 119:173 - Amazwi Yakwe Leza 2013

¹⁷³ Si walukuiteanya ukungazwa lyonsi, pano nkalondela amalamulo yako.

Masamu 119:173 交叉參考

Yoswa 24:22

Lyene Yoswa ayanena ati, “Mwemwe yakambone mweisikulu mwenga ukuti mwatimusolola ukutumikila Yawe.” Nga nayo yavwanga yati, “Endi, sweswe tuli yakambone.”

Luka 10:42

Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Filipi 4:13

Klistu wampeela maka akulungatana ni miyele ili yonsi.

2 Kolinto 12:9

Lelo wene waswike ati, “Cikuku cane sile icikulondekwa kunuli. Pano maka yane yakaombesya lilyo lino watonta.” Acino Klistu ndi watwalilila kumpela maka yakwe, lyene nakulaitumika pa utonte wane.

Mako 9:24

Isi wa mwana asanzika izwi ati, “Nataila, lelo ungazwe kuti nkwatisye utailo.”

Mapinda 1:29

Mwasuuzile ukwiluka, mutakasi nu kutontelela Yawe.

Masamu 119:117

Ndemelele, nga nani namakululwa, nupya ndacindika amasunde yako amanda pe.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:94

Nene wakwako, ungala untuule! Nezya ukulondela amasunde yako.

Masamu 119:40

Nkulonda ukuyela amasunde yako, umpeele umi upya pano wewe mulungami.

Masamu 119:35

Umpeele ukuyela nu kuwaka amasunde yako, pano nemo ndazana uluzango.

Masamu 119:30

Nasolola ukuya uwacuvwilo, nika nu mwenzo wane uku upinguzi wako.

Masamu 37:24

Ndi wapona asisyala alambalile, pano Yawe aliwe akamulemelela, akatuka.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.