167 Nkayela amasambilizyo yako, pano nayatemwa wakwe cimwi.
“Uu uli upangano uno ndacita nao mu manda akwiza. Ndika masunde yane mu myenzo yao nu kuyalemba mu melenganyo yao.”
Kwene mwenzo wane onsi ukazumilizya Masunde yakwe Leza.
Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”
Silola vino natemwa usambilizyo wako, We Yawe, uwake umi wane ukulingana nu kutemwa kwako.
Amalamulo yako ali vyuma vyane ivyakuyelelela. Ali luzango lwa mwenzo wane.
Iye mwe, silola vino natemwa amasunde yako wakwe cimwi! Nkayelenganya uwanda onsi.
Ninzana uluzango umu masunde yako, yano natintemwa wakwe cimwi.
