Masamu 119:165 - Amazwi Yakwe Leza 2013

¹⁶⁵ Antu yano yatemwa amasunde yako yakwata umutende ufumaluke, nupya kutaya nanti cimwi icingayaponya.

Masamu 119:165 交叉參考

Ezaya 32:17

Mu mpanga mulaya ulongo ni cituku, pano umuntu wensi alacita ivilungame.

Ezaya 26:3

We Yawe antu yano yakasumba amano kuli wewe, nu kukutaila, leka yaikala umutende.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.

Mapinda 3:23

Lyene ulikala ukwaula icakukusakamika, nu kuluvyanya utalatala uluvyanye foo.

Mapinda 3:17

Amano yakaletela umuntu uluzango umu wikazi wakwe, yakalenga nu kuti aikala mu mutende.

1 Yoane 2:10

Wino wensi akatemwa umwina wakwe wene ali mu luswepo, nupya munoli musi cimwi icingalenga umuntu umwi kwifya.

Ezaya 57:21

Aipe yene kusi kuleka yatale yasyukile ulongo. Avino Yawe walanda.

Ezaya 28:13

Icaleka fwandi Yawe umweneco amamusunda mu kuwatawata sile, mu kumusunda izwi ni zwi, musilwa nu musilwa, ni sambililo ni sambililo. Alino lyene mumacitanga cila lutampulo luno mwatampula ala mukupempezyoka. Mumaicisolanga nu kusendwa uzya lili lili.

Mateo 13:21

Lelo yasiingila nu kwika misisi mukasi ka myenzo yao, nupya yasyaikalilila. Caleka lino ucuzi nanti kuzunyiwa viiza pamulandu wa mazwi yakwe Leza lilyo kwene yanenuka.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Masamu 119:56

Ala nkuuvwa uluzango umu kuyela amasunde yako.