16 Ivyeo vyako vikasansamusya, insiilila amazwi yako.
Vyeo vyako vikansansamusya, vili vino vikampanzya amano.
Ninzana uluzango umu masunde yako, yano natintemwa wakwe cimwi.
Kwene mwenzo wane onsi ukazumilizya Masunde yakwe Leza.
Mwanane utailila vino nkukusambilizya, lelo lyonsi sile uwaiusya vino nakunena ukucita.
Umpeele ukuyela nu kuwaka amasunde yako, pano nemo ndazana uluzango.
Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.
Nanti angala nacepa sana nu kusuulwa, lelo nsitala nilila amasambilizyo yako.
Umi wane uli mu minwe yako amanda onsi, Acino ntange ntale nilile amasunde yako.
Nkoline sile wa nyambi yakwe waini itakweti umulimo, lelo nemo ntilila amasunde yako.
Ndole luse luse nga nje nu umi, pano amalamulo yako yakanzanzya.
Antu amusango uo yasitezya, lelo nemo nkazangila mu masunde yako.
Lelo wene akazangila mu kuyela amazwi yakwe Yawe, nu kuyelenganya usiku nu musanya.
Nkasansamuka umu kulondela inzila zyako, ukuluta napa vyuma vyonsi.
Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”
Nkawaka amazwi yako umu mwenzo wane, apakuti intaluvyanya kunuli.
Antu aipe yatiyanteya inkose konsi konsi, lelo amasunde yako ntange nilile, awe.
Ucuzi nukunyongoloka vyati vindema ivintitikizya, lelo amasunde yako yakundetela uluzango
Lolekesya apa kucula kwane, nga untuule pano nemo ntiilila amasunde yako.
Silola vino nkulukisya ufyusi wako, we Yawe! Nkazana uluzango umu masunde yako.
Lino paya ukulungika, antu asuma yakasansamuka, lelo aipe yene pasi pantete.
Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.
