155 Ufyusi uli ukutali na antu aipe, pano yene yasiyela amasunde yako.
Ana yakwe iyasyala ntalwentalwe ukwaula ucingo, nu mu ng'anda ya milandu mutalolike nanti wenga, uwakuya yavwangila kweneko.
Kusi umuntu nanti wenga akauvwikisya, nanti akalonda Leza.
Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’
Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”
“Munguvwe kuno, mwe antu mwe, mwemuno mwakoma umu kanwa. Mwe muno mukati ukucimvya kulaya sile lyuze lyuze.
Ukoopa Yawe ili ntendekelo ya malango. Iviwelewele ivikasuula amano nu kusundwa.
Wemo ukatuula antu aicefya, lelo acilumba yene ukayacefya.
Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”
Fwandi pasi pantete mwe! Twatituputuka ni misana. Tukulolela sile Leza kuti aize atukulule kuli yano yatuteka imfine, lelo kusi nanti cimwi cino tungacita.
