Masamu 119:154 - Amazwi Yakwe Leza 2013

¹⁵⁴ Umvwangile umulandu wane nu kunkulula, Untuule ukulingana nu ulayo wako.

Masamu 119:154 交叉參考

Mika 7:9

Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.

Yelemiya 50:34

Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”

Masamu 35:1

We Yawe umvwangile kweneko kuli yao yonsi akandemanizya, umvwangile kuli yao akansinkola.

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”

Yelemiya 11:20

Alino lyene nani impepa kuli Yawe inti, “Iye we Yawe Wamaka yonsi, wewe Mwene wino akalungika pa kuputula imilandu. Wemo ukaceceta vino antu yakwelenganya na vino yakuuvwa mu myenzo yao. Leka nemo indoleko kuno ukulandula pa antu yaa, pano nemo umulandu uu natuula kunuli.”

Masamu 119:40

Nkulonda ukuyela amasunde yako, umpeele umi upya pano wewe mulungami.

Masamu 119:25

Umwenzo wane walematila uku lukungu. Kanzula umwenzo wane ndi muno wavwangile.

1 Yoane 2:1

Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

Yelemiya 51:36

Caleka Yawe anena antu amu Yelusalemu ati, “Umulandu winu, anene ndausumbako amano, nupya anene ndamulandwila kweneko. Nemo ndakamya intulo zya manzi umu Babiloni kumwi ni nguzi kwene.

Mapinda 22:23

Pano Yawe ali kavwangila wao, aliwe alapokolola nu umi wakwe yano yayapata.

Masamu 43:1

We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!

Yobo 5:8

Ala nemo inja ali wewe, ningazina sile kuli Leza, ali wino imfuntwila umulandu wane.

1 Samueli 24:16

Lino Davidi wamala ukuvwanga, Saulo amuuzya ati, “Uzye icumi kwene awewe, Davidi umwana wane umonsi?” Nga Saulo atandika ukulila nu kupooma.

Masamu 35:23

Vwandamuka Mwene, kanzana, katuka we Leza wane, umvwangileko.

Masamu 119:38

Fikilizya ulayo wako kunondi ne muzya wako, ulayo kwene uno walaya kuli yao akakuyela.