144 Amasambilizyo yako alungame umuyayaya, umpeele ukwiluka kuti nje umumi.
Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.
Antu avule yalasangululwa. Yayo akacita vyaukakasi yatalasangululwa, lelo yalatwalilila ukuya aukakasi. Kusi nanti wenga muli yayo akacita vya ukakasi wino aliiluka, suka sile yayo akwata amano.
Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”
Leka ukulila kwane kuvwike kunuli, we Yawe. Umpeele ukwiluka ukulingana nu ulayo wako.
Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.
Amazwi ya muntu musuma yakasambilizya antu avule, lelo iviwelewele vyene vikafwa pamulandu wakuulilwa amano.
Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.
Yao akauvwa mazwi yano yakalanda vya pa Wene wakwe Leza kwaula kuyamanyikisya, yakoline wa mbezu izyaponile umu mbali ya nzila. Lelo mwanisi wakwe Leza aiiza afumya mazwi yano atewa mu myenzo yao.
Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.
Kufuma uku mpiti nasambilila kunuli amasambilizyo yako ukuti awewe wayapanzile kuti yikalilile pe na pee.
Amasambilizyo yako yano ukupeela, alungame nupya akutailwa.
Umpeele ukumanya na mano, pano nemo nataila umu malamulo yako.
Ukoopa Yawe kwazipa nupya kukaikalilila pe. Ivikapingula Yawe ivyacumi, vyonsi pano vyapela vyalungama
Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.
Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.
Ndondolwela amasunde yako, nu kuyela namayayelanga nu kuyawaka nu mwenzo wane onsi.
Sungala ucitile umuzya wako ivisuma, nga nani namapita ulumi, imbwake na mazwi yako.
Lelo we Yawe uli umupipi nani, nga na malamulo yako acumi.
yatata yansambilizyanga na mazwi ala yakuti, “Uwake umu mwenzo wako vyonsi vii vino nkukunena, usunge amasunde yane, pakuti uye nu umi.
Uwalondela amalamulo yane, ngu wapita ulumi. Uwawaka amasunde yane ndi vino ungawaka nyinalinso uwi linso lyako.
