141 Nanti angala nacepa sana nu kusuulwa, lelo nsitala nilila amasambilizyo yako.
Lelo nemo nene mombololo sile nga insi muntu foo. Nasaaluka apa antu nu kusulwa na ali wensi.
Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.
Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.
Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”
Lyene Yesu acelecensya pa alondezi avwanga ati, “Alongo amwemwe mwe apina. Pano Uwene wakwe Leza uwa kwinu!
Ukukwata ivinono nu ulungami, kwazipa ukuluta ukulonka ivingi nu lufyengo.
Icisuma ukukwata ivyuma vinono pamwi nu koopa Yawe, ukuluta ukuya umukama nu kuzanwa umu ntazi.
Mwanane utailila vino nkukusambilizya, lelo lyonsi sile uwaiusya vino nakunena ukucita.
Umi wane uli mu minwe yako amanda onsi, Acino ntange ntale nilile amasunde yako.
We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.
Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.
Umulanda uwa miyele isuma, wazipa ukuluta iciwelewele ca ndimi zili.
Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.
Ivyeo vyako vikasansamusya, insiilila amazwi yako.
