14 Nkasansamuka umu kulondela inzila zyako, ukuluta napa vyuma vyonsi.
“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.
Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.
Nemo indi nu luzango apamulandu na malayo yako. Nene muzange wa muntu umwi uwazana icuma icivule.
Lumbanyini Yawe! Wasyuka wiyo akacindika Yawe, wiyo uwatemwisya amasunde yakwe.
Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.
Ala natemwa amalamulo yako ukuluta Zaabu, ukuluta Zaabu wiya kwene umusuma cuze.
Amalamulo yako ali vyuma vyane ivyakuyelelela. Ali luzango lwa mwenzo wane.
Ndole luse luse nga nje nu umi, pano amalamulo yako yakanzanzya.
Amasunde yano wampile yaluta icuma icivule cakwe siluva na zaabu.
Ninzana uluzango umu masunde yako, yano natintemwa wakwe cimwi.
