125 Nene muomvi wako, ungala umpeele ukwiluka, apakuti inde imanye amasambilizyo yako.
Yawe, ala nene muzya wako, nemo nkakuombela vivi kwene vino mayo nawe wacitanga. Wemo watunsapula umunyololo, watunkulula.
Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.
Elenganya pali vino nkulanda pano Mwene akweti maka akukulenga kwiluka vyonsi.
Amano ya muntu musalapuke yasintilila apa kumanya inzila ya malango, lelo iviwelewele vyene vikatumpokwa pamulandu wa vicitwa vyakwevyo.
Ndondolwela amasunde yako, nu kuyela namayayelanga nu kuyawaka nu mwenzo wane onsi.
Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.
Ukoopa Yawe ili ntendekelo ya mano. Nu kumanya Wamuzilo wilya, kuli kwiluka.
Nene wakwako, ungala untuule! Nezya ukulondela amasunde yako.
Umpeele ukumanya na mano, pano nemo nataila umu malamulo yako.
Umfuntusye ku nzila zya ntumpu, lelo uku usuma wako unsambilizye amasunde yako.
Nkawaka amazwi yako umu mwenzo wane, apakuti intaluvyanya kunuli.
Ali cino fwandi senukila kunondi nu kunjelu luse, unkumye ne muzya wako, umpususye ne mwana wa muzya wako, mayo uwakumvyala.
