104 Inkalonka amano ukufuma uku masunde yako, ali cino fwandi napata ni misango iipe yonsi.
Acino pamulandu wakuti nkalondela amasambilizyo yako yonsi, nemo napata imisango iipe yonsi.
Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.
Kwaya inzila imwi ino ikaloleka ngi isuma ku muntu, lelo impela yakweyo imfwa.
Isunde lyako lyaya nane insita yonsi nupya likaleka injeleko na mano ukuluta anisi yane.
Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.
Kutemwa kutayamo usomvi. Musule vintu viipe vyonsi. Lemasyini visuma vyonsi.
Nanti nkwatilapo amano ukuluta aikolo yampiti, pano nkauvwila amasunde yako.
Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.
“Ingililini pa mpongolo ifyenkane, pano mpongolo yakwingilila ku ononesi iisalale. Nu museo wakuilamo uusalale, nga na antu aingi yakaingila nu kupitamo.
Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.
Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.
Asi ukukota kutupu ukungalenga ukukwata amano, nanti uku ukupelulwila icipe ni cisuma foo.
Ndondolwela amasunde yako, nu kuyela namayayelanga nu kuyawaka nu mwenzo wane onsi.
Napata nu kusoka intumpu, lelo natemwa amasunde yako.
