6 Nemo twaya pamwi na Yawe ni ntete ntakwata foo. Icani fwandi cino umuntu angancita nene?
Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”
Uzye tumati uli pa vintu vii? Ndi Leza ali naswe, aweni amatucimvya?
We Leza, nemo awewe sile wenga nataila, nkataizye nu ulayo wako. Awewe sile nataila, ni ntete nemo nsikuvwanga nanti panono. Fwandi icani cino umuntu silesile angancita?
A Leza awino nemo nataila, ni ntete nemo intazikwata foo. Icani fwandi cino umuntu uwasilesile angancita?
Uwanda uno nemo ndapunda, “Tutulwe,” anisi yane yalapuuka. Cino nemo namanya sile icakuti, Leza waya nani!
Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.
Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?
Nanti ningapita umu mukonko umufitisye, awe cumi ntange noope iciipe icili consi, pano we Yawe uli nane. Insonzo ni ntuwa yako vikancingilila.
Leza Wamaka yonsi waya naswe, Leza wakwe Yakobo ali cele litu!
Alongo antu yano Leza wakwe Yakobo ali kazwa wao, yano yakapaalila muli Yawe Leza wao,
A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.
Saulo na ina Izlaeli apakuvwa amazwi ya mwina Filisti intete iziyalema iyazakaza sile.
Yawe uwampokololanga ku vizanza vyakwe cisama na vyakwe cuuli, ali wino alantuulanya nu kumwina Filisti kwene wiya.” Saulo anena Davidi ati, “Cisuma, pitanga, nga Yawe aye nawe.”
Nemo yakancuzya sile muli vyonsi vino nkacita umusanya onsi. Cila nsita yakaelenganya sile apakumfyengelekezya?
A Leza awino nemo nataila, nkawanzya nu upangano wakwe. Nemo namawanzyanga ulayo wakwe Yawe.
We Leza nemo namakupeela vyonsi vino nakulavile. Namakutula uwila wane uwakukutaizya,
Aweni angimilila nu kumvwangila uku aipe?
Wene asisakamikwa nanti ukuvwa intete, akasininkizya ukuti alalola kuno anisi yakwe yakucimba.
