Masamu 118:15 - Amazwi Yakwe Leza 2013

¹⁵ Si uvwini kuko utupundu twa nsansa utwakucimvya, umu nsakwe zya antu yakwe Leza, tukuti, “Eya Umwene Wamaka, uwatacita ci!

Masamu 118:15 交叉參考

Masamu 89:13

Wewe wakwata amaka yonsi. Ikasa lyako lyakoma wakwe cimwi, ikasa lyako ililunji lyatumpuka.

Masamu 60:12

We Leza, ndi cakuti waya uku lusansa lwitu, lyene tumacimvya. Awewe umalovya nu kulyatilila anisi itu.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

Masamu 98:1

Imbilini Yawe ulwimbo lupya, pano wacita ivyakuzunguka, nupya wacimvya uku maka yakwe nu ulamba wakwe ucindame.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.

Ezaya 65:13

Icaleka Yawe Simwandalali akuti, “Aomvi yane yalalya vyakulya, lelo mwemo mulikala ni nzala. Aomvi yane yalamwa vyakumwa, lelo mwemo mulacula uku lusala. Mulaapita sile nsonyi nsonyi lino auzo yakupita ni nsansa.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 68:3

Lelo asuma yene, yalasansamuka nu kuzanga pa cinso cakwe, yalasansamukisya wakwe cimwi.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Masamu 32:11

Mwasansamuka mwensi mwe yakacita yaololoke, apamulandu navino Yawe wacita! Mwensi mwe muno mukamuzumila pundini ni nsansa, umilini utupundu!

Masamu 45:4

We mucindami, kalauka kacimvye, pano swemo tukulonda sile ulongo nu kulungika! Amaka yako yamaleka kuti ukacimvye!

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

Masamu 119:54

Mukasi ka manda ya lwendo lwane pano nsi, natinsika inyimbo zya masunde yako.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Masamu 111:2

Iye mwe, ivicitwa vyakwe Yawe nu ukulu! Yonsi yano vikazanzya yakalonda lyonsi ukuviiluka.