1 Lumbanyini Yawe mwe mitundu yonsi! Mwe antu yonsi lumbanyini Yawe!
Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”
Nupya calembwa mu malembelo cati, “Lumbanyini Mwene mwe Akulukuwa mwensi. Mulumbanyini mwe antu onsi.”
Leza, ala leka antu yakulumbanya, leka antu yonsi yakulumbanya!
Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.
Umilini tupundu kuli Leza, mwe antu yonsi apano nsi!
Imitundu yonsi ino wapanga imaomokelanga kunuli, uku kupepa nu kukucindika we Yawe,
Aikalansi yonsi, awewe yakapepa. Awewe yakaimbila inyimbo zyaku kulumbanya, awewe yakalumbanya izina lyako umu nyimbo?
Lekini icintu consi icikafuta calumbanya Yawe! Lumbanyini Yawe!
