Masamu 115:3 - Amazwi Yakwe Leza 2013

³ Ala swemo Leza witu waya umwiyulu, akacita na vyonsi vino atemilwe.

Masamu 115:3 交叉參考

Masamu 135:6

Vyonsi vino Yawe akalonda ukucita ali vino akacita umwiyulu na muno nsi, muli yayemba nu mu matenga yonsi.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Ezaya 46:10

Ukutandikila sile na pa mpiti nemo nkavwanga calimwi ivili nu kucitika. Ukutandikila sile na pa mpiti nemo nkalondolwela calimwi ivili nu kucitika. Nkalanda ukuti vino nkapanga ukucita ala vilacitika. Nkacita na vyonsi vino nkulonda ukucita.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Masamu 103:19

Yawe wasimpa icilimba cakwe umwiyulu nga aliwe akateeka vyonsi mu wene wakwe.

Loma 9:19

Umwi uwa munomuli anganguzya ati, “Ndi avino caya, uzye lyene pacani Leza angatupeela mulandu? Uzye aweni angalesya Leza kucita cino akasi?”

Masamu 2:4

Yawe nawe apa cilimba cakwe ca wene umwiyulu ayaseka nu kuyatumfwa.

Mateo 6:9

Acino mwemo mwapepa mukuti, ‘Tata witu uwa mwiyulu, Izina lyako licindikwe,

Masamu 123:1

Nasanzula amanso kunuli, we muno wikala apa cilimba ca wene apapela pela.

1 Milandu 16:25

Yawe u mukulu nupya uwakulumbanya sana, wene uwakucindika wakwe cimwi, ukuluta tuleza tonsi utwasyala.

Masamu 68:4

Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!

Yobo 23:13

“Umweneco ataya na kwaaluka, ndi watemwa ukucita icili consi aweni angamulesya? Wene akacita consi cino akasi.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.