11 Mwe, mwemuno mwakwatila Yawe icoopo, mwamutaila. Pano aliwe akamwazwa nu kumuvwangila.
Ukoopa Yawe kukakomya utailo, nga na ana yakwe yakazina munoli.
Wino wensi akamoopa nu kucita vyawololoke, wene akazengelwa nawe nanti angala uwamu mutundu uze.
Amazwi yonsi yakwe Leza acumi. Wene ali cisyangu, cakucingilila yao akuzina munoli.
Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”
Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.
Ndi vino iyulu lyavimbilikizya insi yonsi, avino nu luse lwakwe lwaya kuli yano yakamoopa.
Lelo Yawe akawaka yayo akamuyela, yayo ataila mu kutemwa kwakwe ukwa pe.
Namavwanganga inti, “Lumbanyini Yawe, mwemuno mukamoopa. Mwamucindika, mwe luko lwakwe Yakobo. Mwamoopa, mwe ina Izlaeli mwensi.
Antu akwatila Yawe icoopo kayati, “Ukutemwa kwakwe ukwa manda pe.”
Aina Izlaeli kayati, “Ukutemwa kwakwe ukwa manda pe.”
Mwe ina Izlaeli, lumbanyini Yawe! Mwe ang'anda yakwe Aloni, lumbanyini Yawe!
