Masamu 112:9 - Amazwi Yakwe Leza 2013

⁹ Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Masamu 112:9 交叉參考

Masamu 75:10

Leza Wene alatembola amaka ya antu aipe, lelo alungilizya amaka ya antu akacita vyaololoke. Kuli Kiimbisya wa Nyimbo. Amasamu yakwe Asafu akwimbila.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Umbwilo 22:11

Wino wensi uwa nkota lekini atwalilile kucita inkota, umukowele atwalilile ukuya mukowele. Wino wensi musuma nawe atwalilile kucita visuma, na wino wensi uwamuzilo atwalilile kuya uwamuzilo.”

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Ezaya 58:10

mwatandika nu kupeela yano yali ni nzala icakulya, lyene ale uluswepo lwane lulawala mu mfinzi, ni mfinzi iyo ilawala wi lanzi ilili pakasi ka mutwe.

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Kasambilizya 11:6

Mwakomela imbezu akatondo, mukomela na manguzi kwene. Mutange mumanye ndi mbezu zyonsi zilakula ningo, nanti ndi ukukomela kwa pa nsita imwi ukulaya ningo ukuluta ukwa pa nsita yuze.

Masamu 92:10

Lelo nemo awewe wankomya, naya sile wa mbo. Wampolelela nu luzango.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Yoane 13:29

Pano Yuda wali akasunga wa cipao ca mpiya, alondezi yamwi yelenganya vino Yesu watamunena kuya kala vintu vino yulilwe pa kuzevya cimulo, nanti kuti akapele cimwi ku apina.

Luka 16:9

Caleka namunena ukuti muomvye vyuma vya ucenjezi mu kwandana ucuza, pakuti lino vyuma vyasila yakamupokelele mu ng'anda yape.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Mako 14:7

Apina mukaya nao pe, nupya mungayazwa nsita yonsi ndi mukulonda. Lelo nemo mutalaya nani pe.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Masamu 112:3

Ucindami nu kama wa vyuma, vilaya umu ng'anda yakwe, nga nu lulumbi lwakwe lulayelelela pee!

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

1 Samueli 2:1

Lyene Hana apepa ati, “Umwenzo wane ukuzanga muli Yawe, amaka yane yakafuma kuli Yawe. Ndakai inkuseka anisi yane, pano nkazangila mu ufyusi wako.

Malango 24:13

Ulinzile kumuwezezya lino ilanzi litali liwe, pakuti alole icakuvimbala usiku pa kulala. Lyene nawe alataizya pakalamba, nga Yawe Leza wako alazangila muli wewe.

Malango 15:11

Insita zyonsi kulaya aina Izlaeli apina nupya aulilwe, acino nkumupeela ilamulo kuti muye antu ya wila kunoyali.

Milimo 4:35

yaleta nu kuzipela ku atumwa, nga nao yankanya kuli cila muntu kulingana nu kuulilwa.

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Luka 11:41

Lelo pelini vino vili mu mbale ku apina, alino myenzo inu imasanguluka.

Mateo 6:4

pakuti uwila upelwe mu nkama. Na So wino akalola vino ukacita mu nkama alakupeela cilambu.

Ezaya 32:8

Lelo umuntu uwa mwenzo wa ufumacumi wene akapanga sile ukucita ivintu vya mpomvu. Nupya nu kukoma wakoma ndi, umu kucita ivilungame.

Malango 15:14

Uye umuntu wa wila kunoli nu kumupeela pa vintu vino Yawe wakupolelela ivili wa viteekwa vyako, imbezu ukufuma pa lwano lwa kupuulila, na waini.

Masamu 92:11

Nemo natinjilolela kuno anisi yane yakucimba, natinjuvwila kuno intalanganyi zikuililila.

Masamu 111:3

Vyonsi vino wene akacita, awe nce, pasi pakucindama nupya ivikankala. Icacumi usuma wakwe uwape na pee.

Mapinda 14:24

Antu ya mano yakalambulwa icuma, lelo iviwelewele vikamanyikwa ku uwelewele wakwevyo.

Mapinda 21:26

Wiyo uwasula Leza, lyonsi akakumbwa. Umusuma wene akapeela, asiima foo.

Kasambilizya 3:6

Kwaya insita ya kuzana ni nsita ya kuponzya, kwaya insita ya kusunga ni nsita ya kusumba.