8 Yaya amuyayaya, yapilwe umu ulungami nupya acumi.
Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.
Ukoopa Yawe kwazipa nupya kukaikalilila pe. Ivikapingula Yawe ivyacumi, vyonsi pano vyapela vyalungama
nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!
Caleka, Masunde yene amuzilo, alungame nupya asuma.
Isote likauma, na maluwa yakafoota, lelo amazwi yakwe Leza witu yakaikalilila amanda pe.”
Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.
We Yawe, izwi lyako lilayelelela pee, ilya muyayaya umwiyulu.
