Masamu 111:2 - Amazwi Yakwe Leza 2013

² Iye mwe, ivicitwa vyakwe Yawe nu ukulu! Yonsi yano vikazanzya yakalonda lyonsi ukuviiluka.

Masamu 111:2 交叉參考

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Mapinda 24:14

Ali vino waya nu kumanya amano umu mwenzo wako. Nga cakuti wayazana, lyene ale insita iliza ino vino ukataila vilafikiliziwa.

Masamu 143:5

Nkwiusya amanda yampiti, nkwelenganya ivicitwa vyako vyonsi, nga nu kwiusya umulimo wa minwe yako.

Masamu 139:14

Nkukutaizya pa vizungusyo vyonsi vii, na pali vyonsi vino indi nemweneco, na pavizungusyo vya vicitwa vyako. Wamanyikisya umwenzo wane ningo ningo.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Efeso 1:19

nga na kuti mumanye na maka yakwe aataikulila yano akaomba munotuli swe ya utailo. Maka ya ulamba ali yamwi

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Kasambilizya 3:11

Wene wika akasita kayane pa cintu consi. Watupeela ukulonda ukumanya ivintu iviliza, lelo atatupela ukumanya kumalilike ukwakumanyikisya vino wene akacita.

Mapinda 17:16

Impiya umu minwe ya ciwelewele, izya cani? Uzye angakalilamo amano wiyo atakwata umwenzo wa mano.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Yobo 37:7

Pakuti antu yonsi yano waumba atulange vino akucita, wene akaimika imilimo itu.

Yobo 9:10

Tungaposiwa ukuvwa ukulu wa vintu vino Leza wacita. Ivipezya amano vino wacita, tutangakumamo uku vipenda.

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

Ezaya 40:12

Uzye aweni wino watala wapima amanzi yamuli yemba api kufi lyakwe, nanti ukupima iyulu ku cizanza cakwe? Uzye kwatala kuloleka umuntu wakuti atoole ivu umu lupe longa, ilya pano nsi nanti ukupima imyamba ni milundu apa cipimilo?

Masamu 107:43

Uwa mano lekini asambilile cico, nu kwiluka kailuke apa kutemwa kwakwe Yawe ukwa muntaputuka.

Masamu 104:34

Si angala asansamukila mu melenganyo yane yonsi pano aliwe akansansamusya nupya nani nkazangila munoli.

Yobo 37:14

“Ali cino fwandi we Yobo ikala cele, utezye amazwi yaa! Tala elenganya sile apa vipezyamano vino Leza wacita.

Masamu 118:15

Si uvwini kuko utupundu twa nsansa utwakucimvya, umu nsakwe zya antu yakwe Leza, tukuti, “Eya Umwene Wamaka, uwatacita ci!