Masamu 11:6 - Amazwi Yakwe Leza 2013

⁶ Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Masamu 11:6 交叉參考

Ezekelo 38:22

Ndamupezya uku mpungo. Nupya ndaleka ukuti kukaye uwanisi uwa kuzwisyanya uwazi. Umweneco kwene Gogi, pamwi ni vita vyakwe, na antu ya mitundi iingi yano yalaya nawe, yonsi ndayatumila icifutika ni mvula ya mawe, nu munyeswa nga na yamunyela ya moto.

Utandiko 19:24

Yawe aponya makala ya moto wakwe pali Sodoma na Gomola.

Ezekelo 13:13

“ ‘Icaleka Yawe Simwandalali wavwanga wati, Ndasapula icipunga ca muza uku cipyu cane, ndatonyezya ni mvula ya mawe mu cipyu cane ica ononyi.

Luka 17:29

Uwanda uno Loti wafumile mu Sodoma, umoto na maluti vyaponyile kufuma kuli Leza kwiyulu nu kulovya onsi kwene.

Masamu 75:8

Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

Yobo 20:23

Apa kasita kaka kwene kano wakwatisya icuma, ali lino Leza nawe akamuvungatila nu kumupamola.

Yobo 18:15

Lyene umuntu ali wensi angikala mwi taalu lyakwe, pacisila cakulisansa na maluti akuliswefya.

Yoane 18:11

Lelo Yesu anena Petulo ati, “Swilizya lupanga lwako mu cipata caluko! Uzye ukwelenganya vino ntangamwa lwako lwa ucuzi luno Tata watampela?”

Habakuku 2:16

Mwemwe lyene mulasauka mucifulo cakucindama. Mwemwe mulamwa nu kupempezyoka. Yawe alamusunda cakuti mulamwela ku cisengo, nga nu kucindama kwinu kulasanguka ukusauka.

Masamu 105:32

Ali pakutonyezya imvula ya citalawe, kuya kupangalakansya monsi umu mpanga yao.

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Masamu 16:5

We Yawe, wewe uli vyonsi vino nakwata nu kumpela ukampela vyonsi vino nkalonda. Umi wane uli umu minwe yako.

Ezaya 51:22

Yawe Simwandalali, Kakulula wa antu yonsi, akuti, “Lyene nemo indi pakufumya intazi kuno muli, zino namutulikile uku cipyu cane. Mutalatala muvwe ukali nupya foo. Mutalaauvwa ukali ukalenga ukuti mwapempezyoka.

1 Samueli 9:23

Samueli pali pakunena keeleka ati, “Leta umupusa wa nyama uno nalinakunena ukwika pa mbali.”

1 Samueli 1:4

Ilili lyonsi lino Elikana wapeelanga impolelwa yakwe, wene wapeelanga icipande conga ica nyama kuli Penina nga ni cuze apeela kuli cila wenga pa ana yakwe.

Utandiko 43:34

Ivyakulya vimulwanga kunoyali ukufuma api tebulo lyakwe Yosefu, lelo Benjamini wimwilwe maila yasano ukuluta aina yakwe onsi. Caleka yalya nu kumwa yazanga pamwi na Yosefu.

Yobo 18:10

Ulukose lukamulema umu nzila muno akapita, nu mwikula lyakwe muno akapita yalateya mwenemo inkose.

Masamu 18:13

Yawe wapangalansya ukufuma umwiyulu. Izwi lyakwe Leza Wapapelapela ilyuvwika ukufuma mwenemo.

Masamu 32:10

Umwipe akaponelwa na macuzi aingi. Lelo wiyo uwataila umu Mwene, wene alacingililwa nu kutemwa kwakwe ukwa pe.

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.