22 Nene mulanda nupya umupuzi. Umwenzo wane umukasi watiuciswa.
Teya amatwi kunondi we Yawe, unguvwe, pano nene mulanda nati mpelelwa.
Natinumilila solokoto wi sote lino yalyatola, nanti insuna ya kulya intakweti.
We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.
Lelo nemo nene mombololo sile nga insi muntu foo. Nasaaluka apa antu nu kusulwa na ali wensi.
Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.
“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.
Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]
Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”
Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.
Pano wene atatazile aelenganya apakukwata uluse. Wacuzyanga pee umupina nu mupuzi, nga nu mucululuke suka sile ayakoma iyafwa.
Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.
Lino wafika ku mwamba ulya kuli kasema Elisya, umwanaci wilya akontama nga alema ingazo zyakwe Elisya. Geazi nawe aiza kuti amukanke. Lelo Elisya amulesya ati, “Si mute aalali! Uzye utaweni ukuti wene ali mu ulanda ukulu sana? Yawe atacili anene cimwi pali cii.”
Senukila kunondi, we Yawe, uye na mizu kunondi pano nazukilwa nupya natintemboka.
