Masamu 109:18 - Amazwi Yakwe Leza 2013

¹⁸ Wazwalanga intipu kwati ilaya, fwandi kazimutipasye wa manzi, zimutepwensule nu mumafupa wa mafuta.

Masamu 109:18 交叉參考

Masamu 73:6

Ali cino fwandi ni cilumba naco yakacizwala wa ukasi umu nsingo ni mpanzela nazyo wa mwingila.

Mpendwa 5:22

Sa manzi yaa yano yakaleta vitipu yingile mu ndilwa yako nu kuleka ivimbe nga ni vyanzwalo vyako vinyaluluke ni ila lya uvyazi wako lifupame.” Lyene umwanaci wiyo alinzile kuzumila ati, “Nazumila. Si Yawe acite vivyo kwene.”

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Kolose 3:8

Lelo ndakai mulinzile kufumako ku vintu vii. Mulinzile kutaluka ku kusoka, cipyu, nga nu lupato. Mutatukana nanti kulanda vya winyi.

Milimo 1:25

kuti apyanile pa mulimo wa utumwa uno Yuda wasya nu kuya ku wikalo uno wasolwile umwisikulu.”

Milimo 1:18

Yuda wakazile calo mu mpiya zino yamulipile pa cicitwa cakwe ca ukakasi. Mumo kwene amuno waponyile akolezya mutwe pansi, nga alepuka cakuti na mala yakwe yonsi yalongoloka.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Yobo 29:14

Lyonsi nemo nacitanga ivyaololoke, icakuti vyasangwike kwati ali vyakuzwala vyane.

Mpendwa 5:27

Ndi cakuti umwanaci wiyo wala wacita uzelele, ale amanzi yayo yamamuletela kuwaya kwipisye, ni ndilwa yakwe ivimbe, ni vyanzwalo vyakwe vinyale, nga ni ila lya uvyazi wakwe lifupame. Na antu yakwe yalamutipa.

Masamu 109:19

Kavile viye wa nsalu ino akavimbala, wa musipi uno ukamfyenta umu musana.