Masamu 109:16 - Amazwi Yakwe Leza 2013

¹⁶ Pano wene atatazile aelenganya apakukwata uluse. Wacuzyanga pee umupina nu mupuzi, nga nu mucululuke suka sile ayakoma iyafwa.

Masamu 109:16 交叉參考

Masamu 34:18

Yawe akaya umupipi sana na yayo ati yaputuka imisana. Wene akapususya antu yano yati yapelelwa amano.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Masamu 37:14

Antu aipe yakasomola masumo yao, nu kukana malapwa yao kuti yakome alanda na apina, yayo akapita mu miyele isuma.

Mateo 5:7

Alongo antu yano yakaya na mizu ku auze. Pano Leza nawe alaya na mizu kunoyali.

Masamu 37:32

Icipondo cene cikacevya uwakaele, nu kulonda umwa kumukomela.

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 10:2

Umwipe akuitutumula nu kucuzya umupina, Si leka yalemye umu lukose luno yateya.

Utandiko 42:21

nga yavwanzyanya yati, “Cumi ndakai twavunukwa pamulandu wakwe vino twacisile ku muto witu lino twaweni vino ali mu ntazi, nga na vino wapapatanga kuti tuwake umi wakwe. Lelo swemo tutuvwile kupapata kwakwe. Cii icingalenga kuti tuye mu ntazi ndi ii.”