Masamu 108:6 - Amazwi Yakwe Leza 2013

⁶ Tutaasye fwandi uku maka yako, uuvwe ipepo litu, apakuti antu yako yano watemwisya, yakululwe.

Masamu 108:6 交叉參考

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Malango 33:12

Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

Loma 1:7

Caleka nalemba kalata kuli mwemwe mwensi mwe yakundwe yakwe Leza amu Loma, mwe muno mwaamwa kuti namwe kwene muye antu yakwe amuzilo. Leza Tata nu Mwene witu Yesu Klistu amupeele cikuku nu mutende.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Masamu 54:1

Untuule uku maka yako we Leza, untuule ukunzyansyo zyako!

1 Yamwene 18:29

Ali vino yakonkinye ukuzamboka pa nsita ntali ukwaula kuti Baali wiyo ayaasuke. Nanti impwelo zisi zyakuvwika foo.

1 Yamwene 18:24

Alino muleke yakasema yaa yakwe Baali yapepe kuli kaleza kao. Nani namapepa kuli Leza wane, nga Leza wino amaasuka nu kutuma umoto, ale aliwe ali Leza wacumi.” Antu nayo pakwasuka iyapundila ca pamwi yati, “Endi, wavwanga ningo!”

2 Samueli 12:25

nga atuma kasema Natani kuti akamutemele izina ati a Yedidaya, pamulandu wakuti Yawe wamutemilwe.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

1 Yamwene 18:26

Nayo ali pakutoola cipambasi wenga pali yano yalesile, nga iyateyanya na vyonsi ivyalondekwanga. Iyatandika nu kupepa Baali ukufika ni lanzi umutwe pakasi. Lyene yakuuta kuli Baali, yati, “Baali we, sitwasuke!” Yakasema yalya ale yakucina, yakuzinguluka kavuwa kano yakuuzile. Lelo Baali nawe ukwaula ukwasuka. Kutali uwakuti ayaasuke.

Masamu 57:6

Anisi yane yatiyateya isumbo ilyakuti indemye, lelo nemo natimfumfuma mwenemo. Yatiyanjimbila ucinga umu nzila, lelo aliwo kwene yatiyawela iyaponela mwenemo.