32 Fwandi yafwile yalazya ululumbi lwakwe Yawe ukwi uvi mu kumulumbilizya ukwi tengo lya makombe.
Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.
Namalandilanga antu yane ululumbi lwako. Namakulumbanyanga lyonsi umu kukongana kwao.
Lumbanyini Yawe Leza witu, mwamupepa uku cilimba cakwe ica wene. Icacumi wene ali wamuzilo!
Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”
We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.
Indataka amasunde yako kuli yamwene, ni nsonyi ntaluvwa foo.
Mu wanda ulya antu yalimbila ulwimbo luu: “Taizini Yawe, laizini kunoli apakuti amwazwilizye! Nenini imitundu yonsi vino wene wacita! Yanenini vyapa ucindami wakwe.
Namataizyanga Yawe nu mwenzo wane onsi, mwi uvi lya ukongano wa antu yakwe.
Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!
Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.
Namakuwanzyanga ukwi uvi likalamba, nu kukuwanzizya ukwi umba lya antu ilikalamba.
Yawe umumi. Lumbanyini Ciliwe cane! Landini ukulu wakwe Leza wino akantuula.
Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.
Nene mucingililwe ku uzanzo onsi, nu mu ukongano wa antu yakwe namalumbanyanga Yawe.
