Masamu 107:11 - Amazwi Yakwe Leza 2013

¹¹ apamulandu wakutalamila amasunde yakwe Leza, nu kusuula amano yano umusambazi wayapanzile.

Masamu 107:11 交叉參考

Masamu 106:43

Insita izingi wene wayatuulanga, lelo yene yamusuulanga sile ku mufulo, yasuka lyene yailetelela yaponela nu mu kwifya.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Mapinda 1:25

Mwasuula sile navino namupanzile amano, musisakamala vino nkumunenola.

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Luka 7:30

Lelo Afaliseo na yakasambilizya ya Masunde pakukana kuwatiziwa na Yoane, yasuzile vino Leza walondanga kuyacitila.

Yelemiya 44:16

“Swemo vino watunena umwi zina lyakwe Yawe, twakana, tusikulondela izwi lilyo.

Masamu 73:24

Ukantungulula uku mano yako, nu kumpelelekezyo ulampokelela umwako, umwaya ucindami wako.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

2 Milandu 33:10

Yawe wacelwile Manase na antu yakwe, lelo yene yatuvwile.

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Masamu 68:6

Aliwe akalanga umwenyi apakwikala. Akasapula anyepwe nu kuyatwala ukwa ku yikalila aeneco. Lelo yacisanguka yene yamaikalanga umu mpanga iyumalale.

Ezaya 5:19

Apali ponga na yayo atemwa ukuvwanga yati, “Si Leza ale acincile ale, apitisye ukucita vino akalonda ukucita, uleke tumulozye. Leza wamuzilo uwa ina Izlaeli si alukucita vino wapanga ukucita! Katulole ivyaya mu mano yakwe.”

Masamu 119:24

Vyeo vyako vikansansamusya, vili vino vikampanzya amano.

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Masamu 106:7

Ivikolwe vitu umu Eguputo vitatezizye ivipezyamano vyako, vitiwisye nu luse lwako uluvule, vyatalamila umucindami kuli Yemba Muyenzu.