47 Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.
Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.
Yawe alakuululula Yelusalemu cipya cipya. Wene alawezya na ina Izlaeli aali umu uzya.
Endi, ufyusi wakwe Izlaeli si ule ufume sile uku Zioni. Lino Yawe alaswilizya antu yakwe kumwao, ali lino Yakobo alazanga na Izlaeli alasansamuka wakwe cimwi.
Lino Yawe wawelulwisye yayo asenzilwe uzya uku Yelusalemu, cali wa ciloto!
ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.
