Masamu 106:36 - Amazwi Yakwe Leza 2013

³⁶ Yatumikila nu tuluwi twao, tuto utwayafutukile ituya wa nkose.

Masamu 106:36 交叉參考

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Yakapingula 2:3

Acino lyene nkamunene. Ntalazinga imitundu iyo pa nkolelo inu. Yene yala anisi inu, nga kupepa tuleza twao kulaya iciteyo kunomuli.”

Kufuma 23:33

Mutakaleke antu yalya ikale mu mpanga inu, ndi mwayazumilizya kwikala yalamuteya kuti mwapepa tuleza twao nga mu musango uu, yalalenga kuti mwaifya kunondi.”

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.

Yakapingula 2:17

Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.

Yoswa 23:13

lyene mumanye nu kusininkizya ukuti Yawe Leza winu alata ukuzinga antu amu nko zi pa manso inu. Lelo yene yalaya wa viteyo ni nkose kunomuli. Nupya yalaya akalipe wakwe swepu pa matundu inu nanti wa myunga mu manso inu. Vii vyonsi vilamucitikila mpaka mukalowe pyu umu mpanga kwene ii isuma, ino Yawe Leza winu watamupeela.

Malango 29:25

“ino ukwasuka kulati, ‘Pamulandu wakuti antu yakwe Yawe yononyile upangano uno yacisile na aliwe, Leza wa vikolwe vyao, uwo uno yapangine na aliwe lino wayafumizye mu mpanga ya Eguputo.

2 Yamwene 17:7

Icalenzile ukuti Samaliya awe, umulandu ni mpulupulu zya ina Izlaeli izyakwifya kuli Yawe umwene wao, uwayakulwile ku mwene waku Eguputo, nupya ayatungululula nu kuyawaka ukuti yafume mu Eguputo. Nayo iyatandika ukupepa tuleza tuze, ni nsonyi foo.