Masamu 106:3 - Amazwi Yakwe Leza 2013

³ Yasyuka akasunga vino akapingula, akacita pe ivilungame!

Masamu 106:3 交叉參考

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Yakobo 1:25

Lelo wino wensi akaceceta ningo mu masunde afumaluke yano akalenga antu kuya antungwa, ndi watwalilila kusumba mano kunoyali kwaula kuvwa sile nu kwilila, lelo akacita vino yene yakulanda, muntu wiyo Leza alamupolelela muli vino akacita.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Yoane 15:14

Mwemwe yacuza yane ndi mukucita vintu vino namunena.

Yoane 13:17

Ndakai mwati mumanya vintu vii, nga ndi mukuvicita mulaya alongo.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Mako 3:35

Pano wino wensi akacita vino Leza akalonda, wene ali mwina wane, na kaci wane, na mayo.”

Masamu 119:112

Umwenzo wane ukulukisya ukuyela amasunde yako mpaka uwanda uno ndafwa.

Masamu 119:106

Indi nu kusunga ulayo wane, uwakuyela amasambilizyo yako a ulungi.

Masamu 119:44

Lyonsi indayela amasunde yako, umuyayaya

Masamu 119:20

Umwenzo wane lyene ukukafila, pamulandu waciluka ca upinguzi wako.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Umbwilo 7:15

Uli mulandu uno yati iimilila nkolelo ya cilimba ca wene cakwe Leza nu kumutumikila musanya nu usiku mu Ng'anda ikulu yakwe Leza. Wino atenzi pa cilimba ca wene alayacingilila pa kuya nao.

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Ezaya 64:5

Wemo ukatungulula yano yakacita vyaololoke nu kwiusya inzila zyako. Lelo kwene wasokanga lino twifyanga nu kukutalamila apa nsita ntali.

Malango 5:19

“‘Utaiya.

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Masamu 25:7

Utaiusya amaifyo yane yano nacisile umu wance wane. Uwanjiusya luse luse, ukulingana nu usuma wako.